ஒரு குழந்தை பிறந்த குறிப்பிட்ட காலத்தை தான் லக்கினம் என்பர். அதாவது ஒரு குழந்தை பிறக்கும் நேரத்தில், அந்தக் குழந்தை வானத்தில் எந்த ராசியைப் பார்த்தவாறு ஜனித்திருக்கிறதோ அதுதான் அந்தக் குழந்தையின் பிறந்த லக்கினம் என்பர்.
சூரியன் முன்பு பூமி சுற்றுகிறது என உங்களுக்குத்தெரியும். பூமியின் ஏதோ ஒரு பக்கம் சூரியன் முன் எப்போதும் உதயம் ஆகும் என உங்களுக்குத் தெரிந்து இருக்கும். ஒரு குறிப்பிட்ட நேரத்திற்கு பூமியின் எந்தப் பாகம் உதயம் ஆகிறதோ அதுவே அந்த நேரத்திற்கு இலக்கினம் எனப்படும்.
லக்கினம் எப்படி கணிப்பது என்பது பெரிய கணிதம். நமது ஜாதகத்தை எடுத்தல் "ல" என்று போட்டு இருப்பதுதான் லக்கினம். லக்னம் இருக்கும் ராசி முதல் வீடு. அதில் இருந்து கடிகார சுற்றுப்படி வந்தால் ஒவ்வொரு ராசியும் 2, 3, 4 ,5 ,6, 7, 8, 9, 10, 11, 12 என்று வரிசைப்படி வரும். லக்கினத்தை வைத்துதான் ஜாதகம் கணிக்கப் படுகிறது
ஸ்தானபலன்கள்
லக்கினம் முதல் 12 ஸ்தானங்களில் அறிய வேண்டிய பலன்கள்இலக்கினம் தான் (ஜாதகத்தில் "ல" என்று போடப்பட்ட வீடுதான்)முதல் வீடு எனப் படும். உதாரணத்திற்கு ஜாதகத்தில் கும்பம் தான் லக்கினம் என்றால் அதுதான் முதல் வீடு ஆகும் .. அடுத்த வீடு மீனம் தான் 2-ம் வீடு ஆகும். இப்படியே எண்ணிக் கொண்டு வந்தால் மகரம் தான் 12-ம் வீடு ஆகும். அதாவது எந்த ஜாதகத்தை எடுத்தாலும் இலக்கினத்தை முதல் வீடாகக் கொண்டு எண்ண வேண்டும். ஒவ்வொரு வீட்டிற்கும் சில காரகத்துவம் உண்டு.அதைப்பற்றி இப்போது பார்ப்போம்
முதல் வீடு (லக்கினம்):- உடல் பகுதி : தலைப் பகுதி
- உயிர் (ஆயுள்)
- உடல்வாகு - நிறம், உருவம், உயரம், உடல் தோற்றம்
- குணாதிசயங்கள்
- குழந்தைப் பருவம்
- உடல்நலம்
- சுற்றுச்சூழல் (ஒருவர் சொந்த ஊரில் வாழ்வாரா அல்லது அந்நிய தேசத்தில் வாழ்வாரா என்பது பற்றியும் முதல் வீட்டை வைத்துத்தான் சொல்ல வேண்டும்)
- மன வலிமை,வெற்றி, புகழ் & அவதூறு, ஆளுமை
இரண்டாவது வீடு:
- உடல் பகுதி: முகம், ஆண்களுக்கு வலது கண், பெண்களுக்கு இடது கண், வாய், நாக்கு,
- குடும்பஸ்தானம் (குடும்பத்தைக் குறிக்கிறது).
- தனஸ்தானம் (பொருளாதாரம் - பணவரவு, செலவு போன்றவை ,அதைத்தவிர நகைகள், வெள்ளிப் பாத்திரங்கள், Securities போன்ற சொத்துக்களையும் கூறலாம். ஆடை, அணிகலன்களையும் , வங்கியில் உள்ள பண நிலைமை போன்றவற்றையும் இந்த வீட்டை வைத்துத்தான் கூறவேண்டும்.)
- வாக்குஸ்தானம் (ஒருவர் கனிவாக அல்லது கடினமாகப் பேசுவாரா, நன்றாகஅல்லது திக்கிதிக்கிப் பேசுவாரா என்றும் இந்த வீட்டை வைத்துக் கூறலாம். )
- கண்பார்வையையும் இந்த வீட்டை வைத்துக் கூறலாம். (ஒருவர் கண்ணாடி அணிபவரா அல்லது இல்லையா என்பதையும் இந்த வீட்டை வைத்து கூறலாம்.)
- உடல் பகுதி: காதுகள், கைகள், உணவுக்குழாய், மூச்சுக் குழாய், தொண்டை, நரம்பு மண்டலம்
- சகோதர ஸ்தானம் (இளைய உடன்பிறப்புகள்)
- தைரியஸ்தானம் (தைரியம் , எதிரியை வெற்றி கொள்ளும் திறமை)
- ஆள் அடிமைகள், அணிகலன் போகம்
(அண்டை வீட்டிலுள்ளவர்கள், குறுகிய பயணம், ஆகியவற்றையும் கூறலாம். கடிதப் போக்கு வரத்துக்கள், தகவல் பரிவர்த்தனைகள், வீடு மாறுதல் ஆகியவற்றையும் இந்த வீட்டை வைத்து பலன் கூறலாம்.)
- உடல் பகுதி: நுரையீரல், இதயம்
- தாயார் ஸ்தானம் (மாத்ரு ஸ்தானம்)
- சுகஸ்தானம்
- கல்வி ஸ்தானம்
- பந்துகள், வித்தை, வியாபாரம்
- அசையா சொத்து மற்றும் வாகனம் (Immovable property and vehicle) (ஸ்திர சொத்துக்கள், பூமிக்குள் இருக்கும் புதையல், கால்நடைகள், பசுக்கள், விளைநிலங்கள், அதிலிருந்து கிடைக்கும் தான்யங்கள் )
(சில ஜோதிட நூல்கள் பெண்களின் கற்பு )மற்றும் தாயின் ஒழுக்கம் பற்றியும் இந்த ஸ்தானத்தை வைத்து சொல்லாம் என்பர்.)
- உடல் பகுதி: இரைப்பை, கணையம் (Liver)
- புத்திர ஸ்தானம் (குழந்தை பாக்கியம் )
- பூர்வ புண்ணிய ஸ்தானம் (சென்ற பிறவியில் பெற்ற நன்மை தீமைகளை அரிதல் )
- புகழ், அம்மான் (அம்மா வலி மாமன்மார்கள்)
- ஆன்மீக வாழ்க்கையையும் மற்றும் கலை துறையில் நாட்டம் , காதல் திருமணம், மேல்படிப்பு .
- ரோகஸ்தானம்
- பகைஸ்தானம் (சத்ருஸ்தானம்)
- கடன், வியாதி, உண்ணும் உணவு, வேலை செய்யும் இடம், ஒருவருடைய வேலைக்காரர்கள், கவலைகள், துக்கங்கள் மற்றும் துரதிர்ஷ்டங்கள்.
- உடல் பகுதி: சிறுகுடல் (Small Intestine)
- களத்திர ஸ்தானம்
- மாரக ஸ்தானம்
- கூட்டாளிகள்
(திருமணம், வியாபாரம் மரணம் மற்றும் பிரயாணம் ஆகியவற்றை( குறிக்கும் )
- உடல் பகுதி: வெளி பிறப்பு உறுப்புக்கள்(ஆண் பெண் குறிகள் ), குதம் , பெருங்குடல் (External Sexual Organs, Large Intestine, Anus)
- துஸ்தானம்
- ஆயுள் ஸ்தானம் ( மரண வழி : மரணம் இயற்கையானதா அல்லது துர்மரணமா என்பதையும் இந்த வீட்டைக் கொண்டு அறியலாம்).
- அவமானம், கண்டம், கெட்ட பயம். வளர்ப்பு பிராணிகளால் தொந்தரவு. வட்டி கட்டுதல். உதவிப் பணம். திடீர் அதிஷ்டம், பிதுரார்ஜித சொத்துக்கள், உயில்கள், இன்ஷ்ஷரன்ஸ், கிராட்டுவிட்டி, போனஸ், துன்பம், துக்கம், தோல்வி, தண்டனை, தடைகள், ஜெயில் தண்டனை, இவைகளையும் அறியும் வீடு இதுதான்.
- உடல் பகுதி: இடுப்பு, அனைத்து இடுப்பு இணைப்புக்கள்
- பித்ருஸ்தானம் அல்லது தகப்பனர் ஸ்தானம்
- பாக்கியஸ்தானம்
- போன ஜென்மத்தில் ஒருவர் செய்த பூர்வ ஜென்ம புண்ணியங்கள், பாபங்கள், நீண்ட பயணம் (பிரயாணம்), தெய்வ தரிசனம் செய்தல், உயர்கல்வி, முன்பின் தெரியாதவர்கள், தர்மம் போன்றவற்றைஅறிய இந்த வீடு உதவும்
- உடல் பகுதி: தொடைகள், கால்களின் மேற்பகுதி
- தொழில் ஸ்தானம் (அ ) ஜீவன ஸ்தானம்.
- ஒருவரின் ஜீவனம் (தொழில்), கெளரவம், ராஜயாதிபத்யம், கர்மம் , ஞானம் சபைகளில் முக்கியத்துவம் ஆகியவற்றை 10-ம் வீட்டைக் கொண்டுதான் சொல்ல முடியும்
- மேலும் இந்த வீட்டை கர்மஸ்தானம் என்பர் (தாயார், தகப்பனாருக்குச் செய்யும் கர்மங்களையும் இந்த வீட்டைக் கொண்டுதான் சொல்ல வேண்டும்)
- ஒருவரின் எஜமானர், அரசாங்கம் நிலை(அரசியல் நல்லபடியாக இருக்குமா?) இந்த வீட்டை வைத்துதான் சொல்வர்கள் .
- உடல் பகுதி: கால்களின் கீழ்ப்பகுதி, முழங்கால் முதல் பாதத்திற்கு முன் பகுதிவரை
- லாபஸ்தானம் (நமக்கு வரக்கூடிய லாபங்களையும், சுகங்களையும் பற்றி அறிய உதவும் வீடு .)
- முத்த சகோதர ஸ்தானம் (மூத்த சகோதரத்தைப் பற்றி இந்த வீட்டை வைத்துத்தான் கூற வேண்டும்
- உடல் பகுதி: பாதம், ஆண்களுக்கு இடது கண், பெண்களூக்கு வலது கண்
- மோட்ச ஸ்தானம்
- விரய ஸ்தானம் (நமக்கு வரக்கூடிய செலவுகள், நஷ்டங்கள் எல்லாவற்றையும் இந்த வீட்டை வைத்தே சொல்லவேண்டும்.)
- துன்பம், பாவங்கள், வறுமை, துரதிஷ்டம், , மறைமுக எதிரிகளையும் , ஒருவருக்கு ஜெயில் வாசம், உள்ளதா அல்லது இல்லையா என்பதையும் இந்த வீட்டை வைத்துத்தான் கூறவேண்டும்.
- கடனைத் திருப்பிக் கொடுப்பதையும், முதலீடு செய்வதையும், சயனத்தையும் இந்த வீட்டை சொல்ல வேண்டும்.
