2ம் வீட்டு அதிபதி 12 வீடுகளில் இருந்தால் பலன்கள்

இரண்டாம் வீட்டு அதிபதி ஒருவரின் ஜாதகத்தில் 12 வீடுகளில் எந்த வீட்டில் இருந்தால் பலன்கள் விவரம் :
1ம் வீட்டில் இருந்தால்:

• நன்றான குடும்ப வாழ்க்கை அமையும் சுயமாக சம்பாதித்து முன்னுக்கு வருவார்கள்.
  
• வாக்குவன்மையுடன், செல்வமும் செல்வாக்குயுடன், அறிவாளியாகவும் நீண்ட ஆயுளுடன், நல்ல கண் பார்வையுடனும் இருப்பர்
  

2ம் வீட்டில் இருந்தால்:

• குடும்ப வாழ்க்கை நன்றாக அமையும்.
  
• பணப்புழக்கம் அதிகமாக இருக்கும் மொத்தத்தில் கொடுத்துவைத்தவர்.
  
• சத்திய வாக்கு வன்மையுடன் கண்டிப்பாக பேசுபவராகவும் இருப்பர் (வாக்குக்கு கட்டுப்பட்டவர்)
  

3ம் வீட்டில் இருந்தால்:

• சகோதர் மூலம் வருமானம் கிடைக்கும். (ஆனால் அசுப பலமாகியிருந்தால் சகோதரர்கள் அரிஷ்டம்)
  
• அடிமையாகவும், கல்வி ஞானம் குறைந்தவராகவும் (அ) கல்வி பயில முடியாத சூழ்நிலை அமைய பெற்றவர்`
  

4ம் வீட்டில் இருந்தால்:

• வீடு வாகனம் மூலம் வருமானம் உண்டு
  
• தாயார், மாமக்களின் ஆதரவு பெற்றவராகவும் இருப்பர்
  
• நல்ல கல்வி பெற்றவராகவும், வியாபாரத்தில் நாட்டம் உடையவராகவும் இருப்பர்
  

5ம் வீட்டில் இருந்தால்:

• திடிர் என்று பண வரவு இருக்கும் லாட்டரி அல்லது ரேஸ் மூலம் பண வரவு இருக்கும்.
  
• புத்திரர்களின் மற்றும் பெரிய மனிதர்களின் நட்பையும், ஆதரவையும் பெற்றவர்
  
• 5ம் கிரகம் வலுத்து இருந்தால் சந்தன லாபம், செல்வாக்கு, புத்தி கூர்மை, பதவி உண்டாகும் .
  

6ம் வீட்டில் இருந்தால்:

• வேலையின் மூலம் பணவரவு இருக்கும்.
  
• வியாதி பெற்றவராகவும், தாங்கள் பெற்ற குழந்தைகள் எதிரியாகவும் இருப்பர்
  
• கடன் தொல்லைகள் அமைய கஷ்டப்படுவர்
  
• ஆனால் சுப பலன் பெற்று இருந்தால் எதிர் மறையான நிலை அமையும்
  

7ம் வீட்டில் இருந்தால்:

• வாழ்க்கை தூணையால் வருமானம் உண்டு.
  
• சிலருக்கு அந்நிய நாட்டின் மூலமாக வருமானம் இருக்கும்.
  
• செல்வத்துடன் இருந்தாலும் பெண்களால் (ஆண்களால் இருந்தால் பெண்கள் விஷயத்திலும்) செலவு ஏற்படும்
  

8ம் வீட்டில் இருந்தால்:

• இந்த வீடு மறைவு ஸ்தானம் ஆகியதால் அவ்வளவு நல்ல இடமில்லை. இரண்டுக்கு உரியவன் மறைய கூடாது .
  
• வாக்குவன்மையற்றவராகவும், பேச்சில் இனிமை இல்லாத தன்மை உடையவராகவும் இருப்பர்
  
• எவருடைய பேச்சுக்கு மதிப்பு கொடுக்காதவராகவும், வீண் விரயங்களை செய்பவராகவும் இருப்பர்
  

9ம் வீட்டில் இருந்தால்:

• தந்தை வழியாக பணம் வரும் அல்லது அந்நிய நாட்டின் மூலமாக பணவரவு இருக்கும்.
  
• பெரியவர்களின் ஆசிர்வத்தையும், சொத்து விருத்தி செய்யும் குணதிதியும் உடையவராக இருப்பர்
  

10ம் வீட்டில் இருந்தால்:

• தொழில் செய்து பணம் சம்பாதிப்பார்.
  
• கல்வியில் திறமை, சாஸ்திர அறிவு, நல்ல தேஜஸ் (உடல் அமைப்பு), செல்வாக்கு , செல்வம் பெற்றவர்கள்
  

11ம் வீட்டில் இருந்தால்:

• வாக்கு திறமை பெற்றவராகவும், விசால குணம் பெற்றவராகவும், சகல சௌகர்யங்களை பெற்றவராகவும் இருப்பர்
  
• நல்ல பணவரவு இருக்கும். அண்ணன் மூலமாகவும் பணவரவு உதவி இருக்கும்
  
• மன அமைதியுடன், சந்தோஷதத்துடன் கூடிய குடும்பம் அமையும்
  

12ம் வீட்டில் இருந்தால்:

• பணம் விரையமாகும் (இது நல்ல இடமில்லை - மறைவு ஸ்தானம் ) .
  
• விண் பேச்சு பேசுபராகவும் , சதா சுற்றி திரியும் குணமுடையவராகவும் , தன்மதிப்பை தானே கெடுக்கும் குணமுடையவராக இருப்பர்


• போஜன சயன சுக வாழ்வு இல்லாதவராக இருப்பர்
  


• சுப பலமாகியிருந்தால் நல்வழியில் செய்யும் நிலையும் , வரவும் செலவும் உடனுக்குடன் நேரிடுதல் மற்றும் பிற இடங்களில் வாழும் சூழல் அமையும்