இலக்கினாதிபதி 12 வீடுகளில் இருந்தால் பலன்

ஒருவரின் ஜாதகத்தில் இலக்கினாதிபதி 12 வீடுகளில் எந்த வீட்டில் இருந்தால் என்ன பலன் என்பதை பார்ப்போம் .

1. லக்கினாதிபதி 1ம் வீட்டில் (லக்கினத்திலே) இருந்தால்:
லக்கினாதிபதி 1ஆம் வீட்டில் அதாவது லக்னத்திலே இருந்தால் அவர் சொந்த வீட்டில் ஆட்சி பெற்று இருக்கிறார் என்று பொருள்

• ஜாதகர் சுதந்திர மனப்பான்மையுடனும் தன் விருப்பம் போல் வாழ்பவராகவும் இருப்பர். யாருடைய உபசாரணையும் கேட்க மாட்டார்.
  
• நீண்ட ஆயுளை உடையவராயும், கீர்த்தி பெற்றவறாகவும், நல்ல ஜீவனம் உடையவராகவும் இருப்பர். நல்ல கெளரவத்துடன் இருப்பர்
  
• சொத்துக்கள், புகழ், வாழ்க்கையில் கஷ்டம் இல்லாத வாழ்க்கையை வாழ்வர்.
  
• தெய்வ நம்பிக்கையும் கொண்டவராக இருப்பர். உறவினர்களிடமும் நண்பர்களிடமும் நன்கு பழக கூடியவராக இருப்பர்.
  
• பணக்காரன் ஆனால் கருமி. சுயநலம் கொண்டவராகஇருப்பர்
  

2. லக்கினாதிபதி 2ம் வீட்டில் இருந்தால்:

• 2-ம் வீட்டில் அதாவது வாக்குஸ்தானத்தில் லக்கினாதிபதி இருந்தால் நல்ல வாக்கு வன்மை உடையவராகவும், சுய சம்பாத்தியம் பெற்று இருப்பார்
  
• நல்ல குடும்பத்தில் பிறந்தவராகவும் குடும்ப விருத்தியுடன் செளக்கியமாக வாழ்க்கை நடத்துபவராக இருப்பவர்.
  
• சபையில் அவருக்கென்று தனி மரியாதையை இருக்கும்.
  
• தனது கடமைக்கு முக்கியத்துவம் கொடுப்பார். செல்வமும் செல்வாக்கும் மிகுந்தவர்.
  
• மன அமைதியும் , மகிழ்ச்சியும் நிறைந்தவராக வாழ்வார்.
  

3. லக்கினாதிபதி 3ம் வீட்டில் இருந்தால்:

• லக்கினாதிபதி 3ம் வீட்டில் அதாவது சகோதர ஸ்தானத்தில் இருந்தால் அதீத துணிச்சல் உள்ளவராக இருப்பார்.
  
• அடிக்கடி பிரயாணம் மேற்கொள்ளுவதில் விருப்பம் உள்ளவராக இருப்பர். 3-ம் வீடு சிறிய பயணத்தையும் குறிக்கிறது
  
• எல்லா நலன்களும் வாழ்வில் அடைவர். அதிர்ஷ்டம் உள்ளவர்.
  
• புத்திசாலியாகவும் மரியாதையாக நடக்கும் குணமும் இருக்கும்.
  
• சகோதர சகோதரரின் அன்பிற்குரியவராக இருப்பார்.
  

4. லக்கினாதிபதி 4ம் வீட்டில் இருந்தால்:

• அழகான தோற்றமும், நற்பண்புகள் உடையவனாகவும் இருப்பான்.
  
• நிலங்கள், வீடு வாசல், வண்டி வாகனங்கள் பெற்று விளங்குவார்.
  
• குறிப்பாக தாயின் அன்பு மற்றும் தாய் வழி உறவினர்களின் அன்பை பெற்றவனாக இருப்பார்.
  
• கல்வியில் சிறந்து விளங்குபவராக இருப்பார்
  

5. லக்கினாதிபதி 5ம் வீட்டில் இருந்தால்:

• நல்ல புத்திர செல்வங்கள் பெற்றவராகவும் அவர்களால் மகிழ்ச்சியும், ஆதரவையும் பெற்றவராகவும் இருப்பார்
  
• தெய்வீக வழிபாடுகள் நிறைந்தவராகவும், நல்ல சிந்தனை உடையவராகவும் இருப்பார்
  
• சிலருக்கு அரசியல் செல்வாக்கு கிடைக்கும்.

6. லக்கினாதிபதி 6ம் வீட்டில் இருந்தால்:

• நல்ல கிரங்கங்களின் பார்வைகள் அல்லது சேர்க்கை பெறாமல் இருந்தால் அந்த ஜாதகர் வியாதிகள் நிறைந்தவராக இருப்பர்
  
• எதிரிகள், அவதூறு பேசுபவர்களை பெற்று மன அமைதி இல்லாமல் இருப்பர். (கடன் உபாதையும் இருக்கும்).
  
• 6ம் வீடு மறைவு ஸ்தானம் ஆகும். எனவே இங்கு லக்கினாதிபதி இருப்பது நல்லது அல்ல.
  
• சுபகிரகங்கள் சேர்ந்திருந்தால் எதிரிகளை நாசம் செய்பவர்

7. லக்கினாதிபதி 7ம் வீட்டில் இருந்தால்:

• காமம் மிகுந்தவராகவும் , ஆசைகள் உடையனவராகவும் இருப்பார்
  
• சிலருக்கு ஒன்றுக்கு மேற்பட்ட திருமண நடக்க வாய்ப்புள்ளது.மேலும் வேறு சிலர் வாழ்க்கையில் கடைசி காலத்தில் சந்நியாச வாழ்க்கையில் நாட்டம் ஏற்படும்
  
• சிலருக்கு வாழ்க்கை துணையின் மூலமாய் சொத்துக்கள் சேரும்.
  




• மற்றவர்களின் கவரும் குணத்துடன் பொறுப்பை ஏற்காமல் வெளியில் சுற்றுபவனாகவும் இருப்பார் மேலும் சுய கவுரவம் அதிகம்.
  (சுப கிரக பார்வையினால் மற்றும் சேர்க்கையினால் பலன்கள் மாறுபடும்.)

8. லக்கினாதிபதி 8ம் வீட்டில் இருந்தால்:

• ஆயுள் நிறைந்தவராக இருப்பார்.
  
• சிரமத்துடனும் மற்றும் வறுமையுடனும் குடும்பத்தை நடத்துபவராக இருப்பார் (8-ம் இடம் மறைவு ஸ்தானம் )
  
• சிலருக்கு நன்னடத்தை குறைந்தும் மற்றும் . சூதாட்ட எண்ணமும் இருக்கும்
  
• சிலருக்கு குழந்தைப்பேறு பிரச்சனை, உடல் அங்கங்களில் குறைபாடு போன்றவை அமைந்திருக்கும்

9. லக்கினாதிபதி 9ம் வீட்டில் இருந்தால்:

• பெரியவர்களை மரியாதையுடன் நடத்தும் குணமும் அவர்களின் ஆசிகளையும் நிறைய பெற்றிருப்பர். நன்மையில் நம்பிக்கை உடையவராக இருப்பார்.
  
• தகப்பனர் மற்றும் பித்துருக்களின் அன்பையும், ஆதரவையும் ஆசிர்வாதத்தையும் பெற்றவராகவும் அதிஷ்டம் உடையவராகவும் இருப்பர். (திரிகோண வீடு )
  
• சத்தியத்துடன் நேர்வழியில் நடப்பவராகவும், தருமத்தைச் செய்பவராகவும், தெய்வவழிபாடும் நிறைந்தவராகவும் பலருக்கு உதவும் மனப்பான்மை கொண்டவராகவும் இருப்பர்.

10. லக்கினாதிபதி 10ம் வீட்டில் இருந்தால்:

• குடும்பப் பொறுப்பை அறிந்து நடப்பவராகவும், ஜீவன் பலம் உடையவராகவும் இருப்பர்.
  
• மேலும் தெய்வபக்தி உள்ளவராகவும், புண்ணிய காரியத்தில் பற்றுள்ளவராகவும் நற்பெயறும் கீர்த்தியும் உள்ளவராகவும் இருப்பர்
  
• உத்தியோகத்திலும் , தொழிலும் பல வெற்றிகளை குவிப்பார். (பத்தாம் அதிபதி லக்கினாதிபதிக்கும் சம்மந்தப்பட்ட தொழில் செய்தல் சிறப்பாக இருக்கும்)
  
• அரசாங்கத்தில் நற்பெயரும், செல்வாக்கும் அதிகாரமும் உயர்பதவிகளும் பெற்று இருப்பர்
  
• உற்றார் உறவினரிடம் பெயர் பெற்றவராகவும் இருப்பர்

11. லக்கினாதிபதி 11ம் வீட்டில் இருந்தால்:

• நல்ல இடமாகியதால் மொத்தத்தில் நிம்மதியான வாழ்கை அமையும்.
  
• மூத்த சகோதரர்களின் ஆதரவு நிறைந்து இருக்கும்
  
• லாபமான தொழிலைச் செய்பவராகவும் நீண்ட ஆயுளை உடையவராகவும் இருப்பர்
  
• வாழ்க்கையில் இவர் ஓர் நல்ல நிலைக்கு வருவார். நிம்மதியான வாழ்கை அமையும்.

12. லக்கினாதிபதி 12ம் வீட்டில் இருந்தால்:

• வருமானம் எவ்வளவு வந்தாலும் செலவுகளும் அதிகம் இருக்கும். (மறைவு ஸ்தானம் )
  
• சிலருக்கு அடிக்கடி இட மாற்றம் சந்தர்ப்பம் ஏற்படும் .
  
• சோம்பேரி என்றும் திறமையற்றவர் என்றும் மற்றவர்களால் அழைக்கப்படுவர்.
  
• சில சமயத்தில் அவப்பெயரும், நிந்தனைகளும் வந்து சேரும்.
  
• சுப கிரக சேர்க்கை மற்றும் பார்வை ஏற்பட்டால் ஜாதகருக்கு பலன் நேர்மாறாக இருக்கும்

லக்கினாதிபதி 6, 8, 12-ம் வீட்டைத்தவிர மற்ற வீடுகளில் இருந்தால் சுபப் பலனைத் தருவார்கள். உதாரணத்திற்கு ஒருவர் கும்ப லக்கினம் எனில் சனி பொதுவாக கெட்ட கிரகம் தான். ஆனால் அவருக்கு அவர் லக்கினாதிபதி. எனவே சனி இவருக்கு நம்மைத்தான் செய்வார். சனி கட்டாயம் கெடக்கூடாது.